SPV Os Akademiet
SPV Os Akademiet er eit ekstratilbod for alle ivrige fotballspelarar i 7. til 10. klasse i samarbeid med Sparebanken Vest!
Påmelding: SPV Os Akademiet 2022/2023
SPV Os Akademiet er eit tilbod til ungdom med stor treningsiver og motivasjon i ungdomsskulealder til å trene meir og betre med eit kvalitetssikra og godt fotballtilbod utenom fellestreningar. Hovudtrenar og assistent-trenar på herrelaget, Endre Brenne og Zsolt Korcsmar, har hovudansvar for det sportslege opplegget.
Me ynskjer å bygge ein «toppidrettskultur» på Kuventræ og samtidig utvikle flest mogleg til eigne A-lag og vidare på høgare nivå. Det er mange unge lovande på veg opp og fleire av akademi-spelarane våre har gjennom året vore på krets og nasjonale tiltak.
Os Akademiet er også meir enn berre fotball. I tillegg til å utvikle dei tekniske og taktiske ferdigheitane til spelarane ynskjer me å vektlegge det fysiske og mentale. Me vil nytte oss av kompetanse frå andre idretter og ressurspersoner på Akademiet. Det blir blant anna yoga-timer med Os Yoga, hurtigheitstreningar med landslagstrener i friidrett, foredrag med Olympiatoppen og andre sterke ressurspersonar i krets og forbund, samt mykje anna moro!
PRAKTISK INFORMASJON:
Treningsdagar:
– Onsdag: morgontrening kl. 06.30 – 07.45.
– Fredag: ettermiddag kl. 14.45 – 16.15.
Utvida treningstilbud utafor sesong: annakvar/tredjekvar søndag frå november til mars.
I tillegg vil alle deltakarar få tilbod om minst ein treningshelg med fullt opplegg heile helga.
Måltid:
– Felles frukost etter onsdagsøkta.
– Mat før og etter fredagsøkta.
Transport:
– Transport til skulen etter morgontrening.
– Henting på skulen på fredager.
– Søndag må ein ordne transport sjølv.
Fokusområder i trening:
Fysisk:
– Hurtigheit – agility.
– Skadeførebyggande trening.
– Bevegelighet – koordinasjon – balanse.
Teknisk/taktisk:
– Utvikle funksjonell og hurtig teknikk – godt fyrste touch.
– Kva skjer før, under og etter ball? Persepsjon og val som angriper.
– Press og gjenvinning – intensitet og tempo. Sentralt i alt treningsarbeidet.
Mentalt:
– Eierskap til eigen utvikling.
– Tilstedeværelse, fokus og energi i treningsarbeidet!
VELKOMMEN!