Herrelaget møter Bjarg på Stavollen
Herrelaget er på jakt etter årets fyrste bortesiger når dei på laurdag kl. 14.00 gjestar Bjarg på Stavollen. Klarer våre menn å byggje vidare på den gode sesongstarten i lokaloppgjeret?
Foto: Trond Gausemel, Hordalandsfotball.
- Vi gler oss veldig til kamp igjen, og skal bygge vidare på den fine sesongstarten vi har hatt.
— Torkel Hjertnes, spelande assistenttrenar.
Bjarg, som rykka opp til 3.divisjon i 2019, kjem frå stortap i Oslo førre helg, og står bokført med tre poeng etter tre kampar. Spelande assistenttrenar, Torkel Hjertnes, forventar ein tøff kamp mot eit revansjesugent motstanderlag.
- Vi gler oss veldig til kamp igjen, og skal bygge vidare på den fine sesongstarten vi har hatt. Vi veit det ventar ein ekstremt tøff bortekamp mot eit fysisk robust og revansjelystent Bjarg. Det skal bli kjekt å spele mot Trollmannen fra Nordfjordeid (ref Hafsås), seier spelande assistenttrenar, Torkel Hjertnes, før legg til.
- Gjennom sesongstarten har vi fått masse sjølvtillit i laget og skal angripe kampen med ambisjonar om 3 poeng gjennom å spele god fotball. Det går rykte om at det blir mobilisert frå Bjarg si side for å få mest mogleg liv på tribunen, så vi håper osingane setter av nokre timar av laurdagen til å kome og gje oss støtte!
Herrelaget møtte Bjarg i treningskamp før seriestart. I den kampen vann våre menn 2-1 etter straffeskåringar av Roger Blokhus Ekeland og Kristian Hjelvik Halvorsen.
Fleire tilbake frå suspensjon og skade
Rune Åsheim Mo og Anders Hjelle Havsgård er begge klare for kamp etter kvar sin suspensjon. Niklas Lunde Fosen er tilbake frå skade og fekk seg nokre minutt mot Fjøra. Zsolt Korcsmár, Jonas Fagerbakke Hovland, Tobias Nøss og Lars Hadler-Olsen nærmer seg også speleklare.
Det går derimot lenger tid enn fyrst antatt med kaptein Marius Haugland Mikkelsen. Mikkelsen knakk leggbeinet i treningskamp før sesongen, og blir ikkje klar for spel på ytterligare seks veker. Det meste av sesongen ser dermed ut til å ryke for austevollingen.
Visste du...
at det mot Bjarg blir gjensyn med Christoffer Hafsås og Enrique Crespo Søvik? Begge har ein fortid i Os-drakt. Hafsås blei i Os blant anna utnemnd som trollmannen frå Os, når han nærast på eiga hand senka Lysekloster med utrulege 4 mål på Kuventræ i derbyet i 2017. Same sesong blei han kåra til herrelaget sin beste spelar for sesongen. I tillegg har keepertrenaren vår, Anders Fossen Lunde, fleire år bak seg som målvakt på Stavollen.
Bli med å farge Stavollen gul og svart, og støtt herrane våre til årets fyrste bortesiger! Vel møtt!
Norsk Tipping-ligaen avd. 1
| Spilt S | Vunnet V | Uavgjort U | Tap T | + | - | +/- | Poeng P | ||
|---|---|---|---|---|---|---|---|---|---|
| 1 | Sandviken Sandviken | 26 | 22 | 3 | 1 | 76 | 24 | 52 | 69 |
| 2 | Bjarg Bjarg | 26 | 22 | 2 | 2 | 86 | 27 | 59 | 68 |
| 3 | Os Os | 26 | 15 | 2 | 9 | 72 | 40 | 32 | 47 |
| 4 | Askøy Askøy | 26 | 13 | 8 | 5 | 58 | 42 | 16 | 47 |
| 5 | Djerv 1919 Djerv 1919 | 26 | 14 | 3 | 9 | 64 | 50 | 14 | 45 |
| 6 | Førde Førde | 26 | 14 | 3 | 9 | 55 | 48 | 7 | 45 |
| 7 | Fana Fana | 26 | 13 | 4 | 9 | 62 | 49 | 13 | 43 |
| 8 | Haugesund 2 Haugesund 2 | 26 | 8 | 5 | 13 | 51 | 53 | -2 | 29 |
| 9 | Loddefjord Loddefjord | 26 | 7 | 7 | 12 | 55 | 69 | -14 | 28 |
| 10 | Stord Stord | 26 | 8 | 4 | 14 | 59 | 74 | -15 | 28 |
| 11 | Åsane 2 Åsane 2 | 26 | 7 | 3 | 16 | 50 | 85 | -35 | 24 |
| 12 | Frøya Frøya | 26 | 6 | 4 | 16 | 44 | 61 | -17 | 22 |
| 13 | Årdal Årdal | 26 | 7 | 1 | 18 | 57 | 91 | -34 | 22 |
| 14 | Florø Florø | 26 | 1 | 1 | 24 | 21 | 97 | -76 | 4 |