Rørleggermester Stig E. Nilsen står støtt ved vår side!
Det er ein stor glede at vår mangeårig samarbeidspartnar, Rørleggermester Stig E.Nilsen, forlenger engasjementet i klubben!
- Me støtter Os Fotball fordi klubben gjev eit godt tilbod til alle, ikkje berre toppen, men har også fokus på breidden med born og ungdom. Det synst eg er veldig viktig, seier sjefen sjølv, Stig Endre Nilsen, om kvifor rørleggerfirmaet hans har støtta Os Fotball i meir enn 10 år, og no forlenger engasjementet.
Kvalitetsbevist og serviceinnstilt
Rørleggermester Stig E. Nilsen utfører det meste av arbeid innan rørleggerfaget, som sanitær, VA, vannbåren varme, totalrenovering av bad og liknande, rehabilitering, service, varmepumper og svømmebasseng, for å nevne noko. Bedrifta er medlem av rørleggerkjeden Rørkjøp, og har i tillegg eigen firmabåt slik at dei også kan utføre arbeid på hytter og liknande som ikkje har tilkomst med veg.
Dei erfarne rørleggarane er kvalitetsbeviste og serviceinnstilte, og er opptekne av at kunden blir nøgd med utført arbeid. Det kan Os Fotball skrive under på. For våre gode støttespelarar har vore ein sterk bidragsyter med rørlegging til det nye kioskbygget, og gjort ein utsøkt jobb i tillegg til å vere hyggelige, løysningsorienterte og positive.
Os Fotball set stor pris på støtta, og ser fram til eit godt samarbeid med Rørleggermester Stig E. Nilsen vidare!
Sjekk dei nærmare ut på nett: Rørleggermester Stig E.Nilsen
