Strålande OBOS-Camp
I samarbeid med OBOS og Norsk Toppfotball arrangerte me den nasjonale fotballskulen OBOS-Camp i haustferien - det blei tre strålande dagar!
Obos-camp blei for fyrste gang arrangert i vårt langstrakte land i 2023, og me er stolte over at klubben vår for andre år på rad var plukka ut til å arrangere fotball-campen på Kuventræ! Campen har fokus på kvalitet, fellesskap, inkludering og haldninger - som passer godt til vår filosofi!
Lærevillige og positive deltakarar fekk to kvalitetsøkter kvar dag av utdanna trenarar, med næringsrik lunsj mellom øktene, samt innslag av øvingar og samtalar om verdier og haldningar. Tema på verdimøtet var #stopprasisme der deltakarane var imponerande lydhøre og reflekterte! Alle deltakarane fekk også kvart sitt Obos-Camp-sett med genser og bukse, samt eigen ball, til vidare eigentrening!
Gjennom heile campen viste deltakarane strålande fotballglede, glød til å trene og lære, gode haldningar og samhold - fantastisk!
Tusen takk for innsatsen til alle deltakarane, samt OBOS og Norsk Toppfotball for samarbeidet!
