Vegard Strønen Skeie vender heim til Os Fotball!
Vegard Strønen Skeie blei kjøpt av SK Brann i 2020 - no har me stor glede av å meddele at midtstopparen igjen er klar for spel i gult og svart!
- Det er alltid like kjekt å gå i garderoben på Kuventræ, det er som ein andre heim. Os er ein klubb eg vil kjempe for med nebb og klør, og gler meg allereie til å sette igang. Eg kan love trøkk og vinnervilje til dei som tar turen på Kuventræ fra sommeren av!
— Vegard Strønen Skeie
Vegard Strønen Skeie blei, som kjent for dei fleste Os-patrioter, kjøp av SK Brann i 2020 etter å ha imponert på prøvespel. Den unge lovande midtstopparen blei så lånt ut til Øygarden i Obosligaen, der han gjorde sine saker godt hausten ´20!
Etter å fått smake på toppfotball-livet tok så Skeie eit modig val. Han hadde gradvis mista "driven" og valgte å gje seg i Brann for å prioritere andre ting. Han byrja i militærteneste i fjor sommar og returnerer til Os etter endt teneste. Det er hovudtrenar Endre Brenne særs godt nøgd med;
- Det blir aldeles fabelaktig å få Vegard attende i klubben! Han er ein vinnartype av rang og ein botnsolid type både på og av bana! Med sin kvalitet og erfaring er han ei soleklar forsterkning og me ser fram til å få dei lange beina, spisse olbogane og susande taklingane attende til Kuventræ, seier hovudtrenar Endre Brenne.
Skeie kom til Os Fotball som 13-åring etter å starta fotballkarrieren i Nore Neset. Han har sidan gått gradane opp til A-laget, fekk debuten som 17-åring, og blei raskt ein av lagets mest framtredende spelarar med stor duellkraft, mot, vilje og leiaregenskapar.
Velkommen tilbake, Vegard!
